تخيلوا ..كدة.

تخيلت وانا قاعد كدة فتخيلوا معى..

ان الوزراء ورئيس الوزراء.ومدير مكتب الرئيس وكبير الخدم .وكل من له اتصال مباشر مع الرئيس..

طبعا لان الرئيس لا يتصل من قريب ولا من بعيد مع البشر العاديين الى هما المواطنين ولا حتى الموظفين الكبار..ولكنه على اتصال ببعض الفئات من رجال الاعمال.والمطربيين والرياضيين المشهوريين..ومش اى حد كمان..

فتخيلت ان الحوار الى بيدور بينهم غير الحوار الى احنا عارفينه ..
عا رفينه..

حوار النفاق والتملق للسيد الرئيس واخفاء الحقائق عنه ..وقطع اى صله بينه وبين الشارع والشعب..

تخيلت ان فى جراة فى الحوار..وفى حريه وفى مصداقيه ..وفى انسان بيخاطب انسان ..

تخيلوا معى كدة ..
رئيس الوزراء فى احداث كأحداث غزة وداخل على السيد الرئيس مبارك فى قصرة قصر العروبه
بعد ان استيقظ السيد الرئيس من النوم فى السادسه صباحا..وفطر الفطار المعتاد ..

وقام ببعض التمارين الرياضيه المعتادة..

ومن ثم بدا فى تبديل ملابسه الرياضيه للملابس الرسميه ..

وكان اليوم الأول من احداث هجوم غزة..
دخل كبير الخدم اولا بالفطور واثناء الفطور..بدأ الريس يسأله عن اخر الاخبار..
فبدأ رئيس الخدم فى الحديث..

والله ياريس الاخبار لا تصر عدو ولا حبيب..
الصهاينه منهم لله ربنا يوقف نموهم وزحفهم ..نازلين ضرب بكل ما اوتوا من قوة وبأس ..طيران ياريس بيقذف المواطنين الامنين.
وقذائف من البحر بتضرب عشوائى فى كل ما هو فوق الارض..

حاجه تنرفز ياريس والله انا ماعارف أتلم على اعصابى من الصبح ومستنيك تقوم من النوم بفارغ الصبر ..وبدعى ربنا ان الريس بتاعنا يقوم بجوله من جولاته بتاعه زمان ..ويعرف الصهاينه معنى الطيران ..

الا ياريس احنا حنسيب الصهاينه يضربوا فى اهل غزة كدة بدون اى تدخل..
دة حتى مايرضيش ربنا ..دى الناس ياريس فى الشارع من الصبح عاملين مظاهرات ..وخلاص حيتخنقوا ومستنينك تقوم من النوم ..عشان تتصرف..
الريس ..طيب روح هات لى فنجان قهوة .. وابعت مدير اعمالى بسرعه ..

خرج كبير الخدم من عند الريس وكله حماس ..وتفائل خير وشاف خير اللهم اجعله خير ان الريس..ناوى يعمل حاجه ..

كل الخدم كانوا متجمعين منتظرين كبير الخدم يخرج عشان يعرفوا هو عمل ايه وقال للريس ايه والريس قالوا ايه..

وكلهم فى صوت واااااااااااحد

هااااااا عملت ايه

قلت للريس .

بكل سرور وبكل بشاشه وتفائل وثقه
طبعا قلت للريس هو انتوا عارفين انى بخاف ولا الريس حيرفض لى طلب..

يااااااااارب

طيب خير وهو قالك ايه..

الريس

اة الريس قالى روح هات لى فنجان قهوة...نسيتونى..

طيب خد القهوة جاهزة ..

بس طمننا وقالك ايه كمان ..
الريس اة

قالى هات لى مدير مكتبى ..نسيتونى هو فين حد يتصل بيه بسرعه ..