صباحنا مبارك ( 16 _ ابريل _ 2010 )

مبارك لسه صاحى سبحانك تحيى العظام وهى رميم . بيقولوا ان الاجتماع فى شرم الشيخ بالحكومه كان من أجل العلاوة الاجتماعيه ومناقشه احوال البلد . يمكن. لكن هناك اخبار ان القعدة كانت قعدة نميمه وجابوا فيها سيرة الدكتور البرادعى وقطعوا فى فروة الراجل . ومبارك فضل متعصب طول القعدة عشان ماحدش عارف يلمه .ومش عاجبه شويه العيال بتوع 6 ابريل الى عاملين له دوشه وصداع وصوتهم واصل له لغايه شرم الشيخ ومش عارف يرتاح فى جناحه ولا عارف يتهنأ بحمام الشمس فى منتجع الجولف .
ومش عارف ان العيال دول هما نهايته ونهايه عهدة .

فى :
مبارك يصدر قرارا بأن تكون العلاوة الاجتماعية 10% في اجتماع وزاري بشرم الشيخ



الله يخرب بيت شركه مرسيدس الى اتسببت فى اشعال النار فى مصر بعد اخمادها بعد موضوع القمح الفاسد . الشركه احرجت الحكومه وخليتهم مكسوفين يبصوا فى وش الشعب مبارك مش قادر يخرج من غرفته بمنتجع الجولف بشرم الشيخ .جمال مبارك كمان مكسوف وقافل على نفسه باب اوضته فى القصر الجمهورى الى ورثه ابوة من الملك فاروق وقاعد يلاعب بنته . احمد عز قاعد فى شركه الحديد وبيبص على العمال من خلف الشباك ومش قادر يخرج برة مكتبه خاصه وانه القائل بان الحكومه ستضرب بيد من حديد على الفساد . (( يبدوا ان يد الفاسد هذة المرة اقوى من حديد عز ) الشعب عمال يسأل ويتسائل ياترى ياهل ترى مين المسئول الكبير الفاسد الى مد ايدة الطويله وخد الرشوة من شركه مرسيدس . والحكومه مكسوفه ومختفيه وعاملين نفسهم مش سامعين ولا شايفين ولا واخدين بالهم (( ليه يعنى هو جمال مبارك ولا علاء مبارك الى خد الرشوة )) محاميين يرفعوا قواضى ويطالبوا الحكومه بالاعلان عن المرتشى والحكومه مش سامعه حد . المعارضه تصرخ وتنادى مين المرتشى ( وكمال بيه تحت الطرابيزة مختبئ من المعارضه ) يا جماعه قولوا مين المرتشى قولوا مين الفاسد . طيب حيقولوا على مين ولا مين ولا مين ولا مين يعنى يفضحوا بعضهم ونفسهم ماكلهم فاسدين من كبيرهم لاصغرهم كلهم مرتشيين كلهم باعوا البلد فى عهد مبارك وقسموها بينهم مابلاش احراج بقى وخلوا مبارك يعرف يعيش يومين متهنى .

فى :
مَن المسئول الكبير الذي تتستر عليه الدولة في قضية رشوة مرسيدس؟


لم اتمنى ابدا وضع صورة هذا الرجل فى مدونتى . فهو شخصيا ومفيد فوزى لا أطيق رؤيتهم . سبحان الله . الحواس بيطالب بعودة الاثار لمصر . طيب مين خرجها وليه خرجها ألم تشارك انت شخصيا فى خروج بعض الاثار المصريه . ألم تهدى انت شخصيا اثارا لبعض الدول والرؤساء والسفراء لتسهيل بعض العمليات . ألم تشارك انت شخصيا فى عمليات قذرة تخص اثارنا . بعتوا البلد واثار البلد وكانت بالنسبه لكم عزبه وكل من فيها ملكا لكم ولابائكم ولابنائكم ونحن عبيد عندكم . والان تطالب بعودة رأس نفرتيتى .. طيب وراس ابوك ماهى راجعه .
فى :
«زاهي حواس» يطالب بإعادة «رأس نفرتيتي» و«حجر رشيد» إلى مصر