خناقة بين أنصار عباس ومرتضى وكأن المحكمه نادى ليلى او كازينو قمار او اى مكان مشبوة تجمع فيه المشبوهين وفجاة حدث ما يحدث باستمرار من تلاسن وتراشق وهرج ومرج . والقاضى والنيابه اما بتنسحب او بتقعد تتفرج وتقول بس ياواد بس يابت اقعد يابنى اقعدى يابنتى .ياحبيبى بس خلونا نشوف القضيه يا جماعه وحدوا الله . طبعا دة بخلاف الشرطه الى مالهاش دور غير التهدئه بين الطرفين . وحتعمل ايه الشرطه ان كان القاضى نفسه مش قادر يعمل حاجه ..ايه المسخرة دى ايه التهريج دة ايه القرف دة ..ازاى مافيش قانون حازم وقوى يجرم ويحرم حدوث اى مشاجرات او خلافات داخل قاعه المحكمه . ازاى القاضى داخل محكمته ماعندوش شخصيه ومش قادر ولا عارف يسيطر على المجرمين الموجودين او اتباعهم او المحامين البلطجيه الغير محترمين الى بيقفوا فى المحكمه يردحوا لبعض .. ازاى احنا مش بنقدس المحكمه ازاى القاضى ما يامرش الشرطه فورا بالقبض على اى مخالف او اى شخص يرفع صوته فى المحكمه مجرد يرفع صوته . المحكمه دى مكان مقدس ليها احترامها وحرمتها القاضى لابد ان يكون ملك داخل محكمته الجميع ينصت عندما يتحدث وله الكلمه العليا فى القاعه .. الشرطه مهمتها داخل المحكمه مش تهدئه البلطجيه ..المفروض مهمتها الحفاظ على حرمه المحكمه وقدسيتها وامن وامان القاضى والنيابه ..الى بيحصل دة قمه الجهل والتخلف . لابد من ايقاف الفوضى والتهريج والبلطجه داخل قاعات المحاكم المصريه ..
ليست هناك تعليقات:
إرسال تعليق