ثورة على النظام .

واضح اننا بنرجع فعلا للخلف .. قبل 25 يناير ..

ايام المخلوع مبارك . ولما كانت بتحصل اى كارثه او مصيبه او فساد او ظلم .. كنا بنحمل مبارك المسئوليه ونظامه بالكامل . وكنا بننتقدهم بكل شكل وكان كل حلمنا التغير . وان مبارك يغور فى داهيه هو ونظامه المتعفن .

طيب دلوقتى  ومع كل الى بيحصل من فوضى ومن كوارث ومن فساد فى كل مكان .. مين يتحمل المسئوليه . اظن الجواب بسيط .. لان المسئول عن البلد دلوقتى هو الى يتحمل كل المسئوليه . ولو فى حد قال غير كدة او قال بلاش تنتقدوا الجيش او قال ماينفعش تتحدوا الجيش .لا ينفع لان اى مسئول لابد من وجود رقابه عليه وانتقاد لعمله والا اصبح المسئول اله ومن يريد ان يجعل من المجلس العسكرى اله اخر  فهو  منتفع او  انه من النظام السابق .. او انه احد الذين وقفوا صامتين 30 عام بدون فتح بقه بكلمه ضد الظلم والفساد وكان راضى بان يبقى الوضع كما هو عليه .وكان راضى باول خطاب لمبارك وتانى خطاب وتالت خطاب والان هو راضى بالا يحاكم مبارك وعايش طول عمرة راضى وحيعيش طول عمرة راضى  والاسباب كثيرة جدا جدا . البلد متجهه للفوضى والافلاس والخراب . ومازال نفس اسلوب الادارة السابق للبلد هو المستخدم اليوم .  طيب فين انجازات الثورة  .مافيش اى انجاز غير ان الثورة غيرت الحاكم .. طيب والنظام . النظام زى ماهو . يبقى  احنا لسه محتاجين ثورة على النظام ولا نسكت ونقف نتفرج ويضيع المجهود الى اتبذل مش فى ايام الثورة بس لا المجهود الى اتبذل من اول ما مبارك قرر التوريث ومن قبل كدة كمان . نقف نتفرج ويضيع حق اكتر من 1000 شهيد فى الثورة نقف نتفرج ونشوف البلد بترجع للخلف . لا مش حنتفرج لان طموحنا اكبر من اننا نغير مبارك الديكتاتور باخر ديكتاتور احنا طموحنا نبنى بلد بجد طموحنا نشوف بلدنا بيتحقق فيها العدل والحريه والديمقراطيه طموحنا نشوف بلادنا بدون فساد .  .احنا محتاجين ثورة ضد النظام .  لان الوضع الان سئ جدا جدا جدا وقد يكون فى الطريق ليصبح اسوا مما كان عليه فى عهد مبارك .ومرة اخرى اقول ان لم يجد المجلس العسكرى حلول للوضع وانهاء الفوضى الحاليه وتحقيق مطالب الثوار فليتوقع ثورة الجياع .اراها قريبه جدا ثورة المهمشين ثورة العشوائيات . انقذوا مصر الان .
اقرأوا هذا المقال ..مهزله ام فضيحه كبرى ؟